Minst sju politifolk drepne i Afghanistan

Ei sjølvmordsbombe og eit anna angrep har kosta minst sju afghanske politifolk livet, opplyser tenestemenn.

Publisert

Denne artikkelen er over ett år gammel og kan inneholde utdatert informasjon.

Ein politisjef og tre medlemmer av livvakta hans vart drepne då ein sjølvmordsbombar i bil utløyste sprengladningen sin i provinsen Nangarhar tysdag morgon. Angrepet skjedde ved ein marknad i byen Khewa.

Elleve personar – ni sivile og to medlemmer av tryggingsstyrken i landet – vart såra, seier ein talsmann for provinsguvernøren.

Så langt har ingen teke på seg ansvaret for angrepet, men både Taliban og IS er aktive i regionen.

Minst tre andre politifolk vart drepne i provinsen Zabul sør i landet, då opprørarar angreip kolonnen deira, ifølgje styresmaktene. Dei legg skulda for angrepet i distriktet Shankia på Taliban.

Afghanistan har opplevd ein auke i valden den siste tida. Lokale grupper knytte til IS hevdar å stå bak brorparten av angrepa.

Dei væpna styrkane i landet har òg gjennomført angrep mot Taliban, men forsvarsdepartementet har ikkje vilja gi nokon detaljar.

Powered by Labrador CMS